墨西哥捲餅 (Tortilla)

餓媽他些而他是Master! Tortilla食譜嚟啦～(お待たせいたしました ～讓大家久等了) 
查實Tortilla這東東的材料和做法都很簡單～

最難已經是搓麵了，我偷懶用了mixer，kneading hook很好用呢! （謝謝卓盈送的結婚禮物^^)

我是跟「無添加手作！天然酵母麵包」這書內的墨西哥捲餅做的。

本來之前試過養天然酵母，但可能天氣太熱還是我技拙，酵母懶惰活力不足(物似主人形)，包包發不起來，所以改用了乾酵母。

麵粉方面，之前一次是全用高筋粉(日清強力小麥粉)，昨天用了一半高筋粉，一半全麥麵粉(wholewheat/ wholemeal bread flour)，皮皮會有麥香和粗糙質感。哈哈，但其實全麥粉不能用太多，通常只佔三分一左右，因為全麥粉太多會發不起，但我沒做research就倒了下去，幸好做這種皮不用發得高，麵團有發大一倍就可以了。

以下是書教的份量可做6塊，我們大食，所以只做4塊每塊直徑大點的皮(約20-25cm)，大小亦在乎你喜歡吃的厚薄，但太厚應該太多氣泡不好煎。

材料：

高筋粉 200g

乾酵母 2g

鹽 1/2茶匙

水 115-120g

橄欖油 10g

做法(我用了自己覺得比較好mix的方法)：

1. 把麵粉放在mixing bowl內，在粉堆中撥開一小洞，倒進酵母太郎，才在小洞加一半水。

   (麵粉我本想過篩，過篩會少啲粉粒，不過撈埋咗全麥粉就過唔到篩XD)

2. 用Scraper攪拌幾下，再逐少加入餘下的水，加鹽，繼續拌勻。

3. 快要成團就逐少加入橄欖油，繼續拌勻。

   (書教的是一開始就拌勻，但有人說一開始加鹽太concentrate會整死D酵母太郎，所以我用水溶開咗酵母太郎先，之後先再加鹽。液體慢慢逐少加入粉團中，好像比較均勻易搓，請求達人搓麵心得~)

4. 成團就可以用手搓，約5分鐘，不用搓到像做麵包那樣要拉到膜，只要麵團光滑不黏手就可以。

   (有全麥粉嘅點搓都好嚡～不過好似比較唔黏手)

5. 將麵團放在mixing bowl內，噴些少水，蓋上濕布，等麵團BB在室溫發酵長大1倍。

   (時間大約1-2小時，看天氣和材料而有不同)

6. 發酵完拿出麵團(如黏住個碗可用scraper幫手)，放在乾淨灑了麵粉的枱面上，分成4-6等份。

7. 每份用麵棍碌成薄薄的大圓餅。(不想黏枱或棍記住加粉，但太多皮會太乾)

8. 將麵餅放入frying pan，用小火烘熟兩面即成!

   (每面約30秒，視乎火力和厚度，有時麵餅裡有空氣會脹起有泡泡，用鑊鏟㩒下就ok，塊皮有波點pattern都幾靚㗎~總之唔好黑晒就得啦~)

煎好的tortilla放涼後可入袋放雪櫃分幾日食，我們喜歡做早餐，夾生菜蕃茄青瓜，再加少少toppings同dressing就已經好好味了，快捷方便，滿足了我扮開subway嘅欲望~XD

試過的toppings有：

－ 碎蛋沙律火腿 (某人以前喺"大脷法蘭西"的至愛，不過屋企冇邪惡嘅hot cheese俾佢點)

－ 火雞cold cut加honey mustard (cold cut超貴，我等超市就到期半價先入手)

－ 煙三文魚加牛油果醬 (呢個超好味，多得梁9記的煙三文魚，一包可以食好耐，不過係frozen貨)

我已經被同化到鍾意食牛油果了，有益健康降壞膽固醇呀好似～

牛油果醬基本上係整爛個牛油果加少少青檸或者檸檬汁同鹽胡椒就好好味，想墨西哥啲可以加洋蔥蓉芫茜辣椒，整埋蕃茄salsa買埋sour cream啦不如，為食到咁係咪有啲過份呢？